संवाददाता
काठमाडौँ । एनएमबी बैंकको प्रमुख कार्यकारी अधिकृत (सीईओ) मा गोविन्द घिमिरे नियुक्त भएका छन् । एनएमबि बैंकले आफ्नो सञ्चालक समितिको बैठकमा गरेको निर्णय अनुसार नयाँ नियुक्ति र बढुवा गरेको छ।
बैठकको निर्णय अनुसार, हाल नायव प्रमुख कार्यकारी अधिकृत पदमा रहेका गोबिन्द घिमिरेलाई प्रमुख कार्यकारी अधिकृत (सीईओ) पदमा ४ वर्षको अवधिका लागि नियुक्त गरिएको छ। साथै, नायव प्रमुख कार्यकारी अधिकृत पदमा रहेका सुदेश उपाध्यायलाई बरिष्ठ नायव प्रमुख कार्यकारी अधिकृत पदमा बढुवा गरिएको छ। यो निर्णय २०८२ साल बैशाख १० गतेदेखि लागू हुनेछ।
एनएमबि बैंकले देशभर २०२ शाखाहरु, १८७ एटिएम, र १० एक्सटेन्सन काउन्टरहरु मार्फत उच्चस्तरीय बैंकिङ सेवा प्रदान गरिरहेको छ। यसैबीच, बैंकले लण्डनस्थित “द ब्यान्कर” पत्रिकाद्वारा एसियाकै सर्वोत्कृष्ट बैंक “बैंक अफ द इयर एसिया २०२१” को उपाधीबाट सम्मानित भएको छ।
नयाँ नेतृत्वमा बैंकले आफ्नो सेवा र सुविधालाई अझ बढाउने र ग्राहकहरूलाई अझ उत्कृष्ट सेवा प्रदान गर्ने अपेक्षा गरिएको छ।
