संवाददाता 
काठमाडौं । आई.एम.ई. लाइफ इन्स्योरेन्स कम्पनी लिमिटेडले आज विशेष कार्यक्रमका बीच कम्पनीका उच्च व्यवस्थापन टोली र अभिकर्ताहरूको उपस्थितिमा श्रीमती सुशिला रोकालाई “सरल सावधिक जीवन बीमा योजना” अन्तर्गत प्रडक्ट एम्बासडर (सद्भावना दूत) २०२५ घोषणा गरेको छ।
श्रीमती रोकाले कम्पनीको मासिक स्किम अन्तर्गत देशभरका अभिकर्तामध्ये उत्कृष्ट व्यवसाय प्रस्तुत गर्दै उक्त उपाधि हात पार्न सफल भएकी हुन्। सोही अवसरमा उहाँको ब्यानर र प्रचार सामग्री पनि सार्वजनिक गरिएको छ।
कम्पनीले विश्वास व्यक्त गरेको छ कि यस किसिमको कार्यक्रमले अभिकर्ताहरूबीच स्वस्थ प्रतिस्पर्धा बढाउने र सेवा प्रवाहमा अझ प्रतिबद्धता ल्याउनेछ।
कार्यक्रममा कम्पनीका प्रमुख कार्यकारी अधिकृत श्री पवन कुमार खड्काले अभिकर्ताहरूलाई बीमा सेवा सम्बन्धी ज्ञान, दक्षता र व्यक्तित्व विकासमा निरन्तर सहयोग गर्दै सरल, सहज र स्तरीय सेवा प्रदान गर्ने लक्ष्यसहित अघि बढिरहेको जानकारी दिनुभयो।
