संवाददाता 
काठमाडौं । नेपालको सबैभन्दा ठूलो दुई पाङ्ग्रे सवारी साधन एक्सचेन्ज इभेन्ट ‘यामाहा ब्लू फेस्ट’ भृकुटीमण्डप, काठमाडौंमा औपचारिक रूपमा सम्पन्न भएको छ। चैत्र २८ देखि वैशाख ३ सम्म सञ्चालन हुने भनिएको कार्यक्रम अत्यधिक सहभागीहरूको कारण एक दिन थप गरिएको थियो।
कार्यक्रममा हजारौं मोटरसाइकल तथा स्कुटर पारखीहरूले सहभागिता जनाएका थिए। यामाहाले आफ्नो बाइक तथा स्कुटरमा न्यूनतम ५० हजारको भ्यालुएसन, अन्य ब्रान्डमा २५ हजार, तथा एक्सचेन्जमा थप १० हजारको बोनस अफर गरेको थियो। साथै, ७.९९ प्रतिशत ब्याजदरमा लचिलो फाइनान्सिङ, ग्यारेन्टर आवश्यक नपर्ने सुविधा र केही मोडेलहरूमा ० प्रतिशत ब्याजदरमा ईएमआईको सुविधा पनि दिइएको थियो।
ग्राहकहरूलाई १ लाख रुपैयाँसम्म नगद छुट जित्ने मौका, सेयर गर्दा १ हजार, भिजिट गर्दा ५० हजार, र खरिद गर्दा १ लाखसम्मको नगद छुट उपलब्ध गराइएको थियो। प्रत्येक बाइक वा स्कुटर खरिदमा निःशुल्क एक्सेसरिज पनि प्रदान गरिएको थियो।
८ दिनसम्म चलेको उत्सवमा टेस्ट राइड एण्ड विन, गेमिङ जोन, फेस पेन्टिङ, डुअर प्राइजेज, लाइभ कन्सर्ट लगायत विभिन्न आकर्षणहरू रहेका थिए। समापन समारोहमा काठमाडौँ रेजर्स फुटबल टिमका खेलाडीहरूसँगको विशेष मिट एण्ड ग्रिट सेसन पनि आयोजित गरिएको थियो, जहाँ सहभागीहरूले एनसीएल सिजन ३ मा यामाहाको टाइटल प्रायोजनको सेलिब्रेसनमा भाग लिन पाए।
