संवाददाता काठमाडौं । गोल्छा सङ्गठन अन्तर्गत साङ्ग्रिला मोटर्स प्राइभेट लिमिटेडले नेपालमा लिपमोटरको अधिकृत बिक्रेताको रूपमा चयन भएको छ। यससँगै साङ्ग्रिला मोटर्सले लिपमोटरको लक्जरी विद्युतीय सवारी साधन नेपाली बजारमा ल्याउने घोषणा गरेको छ।
साङ्ग्रिला मोटर्सले पहिल्यै नेपालमा सिट्रोन र प्यूजोको बिक्रेताको रूपमा आफ्नो पहिचान बनाइसकेको छ। अब कम्पनीले लिपमोटरको विद्युतीय वाहन नेपाली बजारमा उपलब्ध गराउने भएको छ। लिपमोटर, स्टेलान्टिस अम्ब्रेला अन्तर्गत एक प्रतिष्ठित ब्रान्ड हो जसले प्यूजो, सिट्रोन, जीप, र फिएटको पनि स्वामित्व राख्छ। लिपमोटर २०२४ सम्म बिक्रीको आधारमा चौथो सबैभन्दा ठूलो चिनियाँ नयाँ ऊर्जा वाहन स्टार्टअपको रूपमा रहेको छ।
यसैबीच, लिपमोटरको नयाँ मोडेल C10 आगामी नाडा अटो शोमा डेब्यू गर्ने भएको छ। यसबारे विस्तृत जानकारी चाँडै नै गराइने कम्पनीले जनाएको छ। नेपाली बजारमा विद्युतीय वाहनको माग बढ्दै गएको अवस्थामा लिपमोटरको प्रवेशले बजारमा नयाँ प्रतिस्पर्धा सिर्जना गर्ने अपेक्षा गरिएको छ।
